श्रीलंकेविरुद्ध सुरू असलेल्या तीन एकदिवसीय सामन्यांच्या मालिकेतील दुसऱ्या सामन्यात भारतीय संघाला दारुण पराभवाला सामोरे जावे लागले. यजमानांनी भारताचा 32 धावांनी पराभव केला. या सामन्यात भारतीय कर्णधार रोहित शर्माने दमदार कामगिरी करत माजी दिग्गज खेळाडू राहुल द्रविडला मागे टाकले.
धावांच्या बाबतीत टीम इंडियाचा माजी मुख्य प्रशिक्षक आणि खेळाडू राहुल द्रविडला मागे टाकले. हा सामना सुरू होण्यापूर्वी हिटमॅनने आपल्या कारकिर्दीत 263 एकदिवसीय सामन्यांमध्ये 10,767 धावा केल्या होत्या, परंतु दोन धावा केल्यानंतर तो माजी फलंदाजापेक्षा पुढे गेला. या यादीत तो आता चौथ्या स्थानावर आला आहे. द्रविडच्या नावावर 340 एकदिवसीय सामन्यांमध्ये 10,768 धावा आहेत. तर, रोहितने 264 सामन्यांमध्ये 10,831 धावा केल्या आहेत. या यादीत सचिन तेंडुलकर अव्वल तर विराट कोहली आणि सौरव गांगुली अनुक्रमे दुसऱ्या आणि तिसऱ्या स्थानावर आहेत.
सामन्यात श्रीलंकेने नाणेफेक जिंकून प्रथम फलंदाजी करण्याचा निर्णय घेतला आणि 50 षटकात 9 गडी गमावून 240 धावा केल्या. प्रत्युत्तरात भारतीय संघ 42.2 षटकांत केवळ 208 धावा करू शकला आणि सर्वबाद झाला. श्रीलंकेने हा सामना 32 धावांनी जिंकून मालिकेत 0-1 अशी आघाडी घेतली आहे. यापूर्वी 2 ऑगस्टला खेळवण्यात आलेला पहिला सामना बरोबरीत सुटला होता. आता भारताची नजर मालिका बरोबरीत सोडवण्याकडे असेल. तिसरा सामना 7 ऑगस्ट रोजी होणार आहे
