स्वयंपाकघरातील तेलकट डाग आणि चिकटपणा घालवण्यासाठी सोप्या स्वच्छता टिप्स

स्वयंपाकघरातील ओटा, शेगडी, भिंती किंवा चिमणीवरील तेलकट डाग आणि चिकटपणा दूर करण्यासाठी काही सोपे व प्रभावी घरगुती उपाय जाणून घ्या....

बेकिंग सोडा आणि लिंबू:

चिकट भागावर बेकिंग सोडा भुरभुरा आणि त्यावर अर्धा लिंबू चोळा. ५ ते १० मिनिटे तसेच ठेवल्यानंतर ओल्या कपड्याने पुसून घ्या. यामुळे तेलकटपणा लगेच निघून जातो.

गरम पाणी आणि डिश वॉश लिक्विड:

एका भांड्यात गरम पाणी घेऊन त्यात थोडे भांडी घासण्याचे लिक्विड (Dish Soap) टाका. या पाण्यात सुती कपडा किंवा स्पंज बुडवून चिकट पृष्ठभाग स्वच्छ करा. गरम पाण्यामुळे घट्ट झाले तेल विरघळण्यास मदत होते.

पांढरा व्हिनेगर :

एका स्प्रे बाटलीत समप्रमाणात व्हिनेगर आणि पाणी एकत्र करा. तेलकट डागांवर हे मिश्रण स्प्रे करा आणि ५ मिनिटांनी कोरड्या किंवा हलक्या ओल्या कपड्याने पुसून घ्या.

रबिंग अल्कोहोल :

चिमणी, एक्झॉस्ट फॅन किंवा टाईल्सवर खूप जास्त चिकटपणा जमा झाला असेल, तर कापसावर किंवा कपड्यावर थोडे रबिंग अल्कोहोल घेऊन ते स्वच्छ करा.

मीठ आणि व्हिनेगरची पेस्ट :

खूप जुने आणि घट्ट झालेले डाग काढण्यासाठी मीठ आणि व्हिनेगर एकत्र करून पेस्ट बनवा. डागांवर ५ मिनिटे लावून ठेवा आणि नंतर स्क्रबरने हलक्या हाताने घासून स्वच्छ करा.

टीप: स्वयंपाकघरातील चिकटपणा जास्त साचू नये म्हणून दररोज स्वयंपाक झाल्यावर शेगडी व ओटा लगेच ओल्या कपड्याने पुसून घेण्याची सवय ठेवा.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.