सानंद गोष्ट सांगा स्पर्धा आयोजनासाठी रेणुका पिंगळे समन्वयक व पुर्वी केळकर सहसंयोजक

इंदूर- सानंद न्यासचे अध्यक्ष श्री निवास कुटुंबळे व मानद सचिव श्री जयंत भिसे यांनी सांगितले की, संस्कृती जपण्याच्या प्रयत्नांतर्गत गेली 9 वर्षे गोष्ट सांगा स्पर्धा आयोजित केली जात आहे. स्पर्धेच्या आयोजनासाठी रेणुका पिंगळे यांची स्पर्धा समन्वयक म्हणून तर सानंद मित्र पुर्वी केळकर यांची सहसंयोजक म्हणून निवड करण्यात आली आहे.

2024 मध्ये समन्वयक आणि स्थानिक भागीदारांद्वारे शहर आणि राज्यभरात अनेक ठिकाणी स्पर्धा आयोजित करण्याची योजना आखली जात आहे. 

नवीन पिढीला संस्कृत करण्यासाठी आजी-आजोबांनी सहजरित्या सांगितलेल्या कथांचे अनन्यसाधारण महत्त्व आहे. हे अधोरेखित करण्यासाठी आणि त्याला प्रोत्साहन देण्यासाठी सानंदद्वारे गोष्ट सांगा स्पर्धा पुन्हा जाहीर केली आहे.

स्पर्धेतील कथांचे विषय रामायण, महाभारत, पंचतंत्र, परीकथा, इसापनीती आणि महापुरुषांच्या चरित्रांवर आधारित आणि बोधप्रद असतील.

गेल्या वर्षी ही स्पर्धा उज्जैन, देवास, खंडवा, जबलपूरसह शहरातील 50 हून अधिक ठिकाणी आयोजित करण्यात आली होती. 

स्पर्धेतील यशामुळे संस्थेचे मनोबल निश्चितच दुप्पट झाले आहे. या वर्षी आम्ही स्पर्धेतील यशाचे नवे आयाम निर्माण करण्यास उत्सुक आहोत.

ही स्पर्धा क्षेत्रनिहाय वेगवेगळ्या कॉलोनी, वस्ती, मल्टीस्टोरी, वसाहती, टाऊनशिपमध्ये आयोजित केली जाईल जिथे किमान 15 स्पर्धक एकत्र येतील. ही स्पर्धा प्राथमिक फेरी, उपांत्य फेरी आणि अंतिम फेरी अशा तीन टप्प्यात होणार आहे.

स्पर्धा आयोजनाच्या नियमांबाबत सविस्तर माहितीसाठी सानंद कार्यालय 9407119700 (संध्याकाळी 6 ते 8), समन्वयक सौ. रेणुका पिंगळे 9179261507 किंवा समन्वयक कु. पूर्व केळकर यांच्याशी 9039101122 या क्रमांकावर संपर्क साधता येईल.