Dhulandi 2026 अतिशय शाही आणि चविष्ट मिठाई केशरयुक्त रबडी

केशरयुक्त रबडी ही एक अतिशय शाही आणि चविष्ट मिठाई आहे. धुलिवंदनच्या दिवशी गरम मालपुवा किंवा जिलेबीसोबत ही रबडी खाण्याची मजा काही औरच असते. घरी दाणेदार आणि घट्ट केशरयुक्त रबडी कशी बनवावी जाणून घ्या.
साहित्य-
फुल क्रीम दूध: १ लिटर
साखर: ४-५ मोठे चमचे
केशर: १५-२० काड्या
वेलची पूड: अर्धा छोटा चमचा
सुकामेवा: बदाम, पिस्त्याचे काप

कृती-
सर्वात आधी एका जाड बुडाच्या कढईत दूध गरम करायला ठेवा. दूध उकळू लागल्यावर गॅसची फ्लेम मध्यम करा.जेव्हा दुधावर साय येईल, तेव्हा ती चमच्याने कढईच्या कडेला चिटकवून ठेवा. हीच साय रबडीला 'लच्छेदार' (दाणेदार) बनवते. दूध कढईच्या तळाला लागू नये म्हणून मधून मधून ढवळत राहा, पण कडेला जमा केलेली साय काढू नका. जेव्हा दूध आटून मूळ प्रमाणापेक्षा १/३ (एक तृतीयांश) उरेल, तेव्हा त्यात भिजवलेले केशर आणि साखर टाका. साखर विरघळेपर्यंत ५-७ मिनिटे आणखी शिजवा.
आता गॅस बंद करा. कढईच्या कडेला जमा केलेली सर्व साय खरवडून दुधात एकत्र करा. यामुळे रबडीत छान जाड थर तयार होतील. शेवटी त्यात वेलची पूड आणि थोडे कापलेले बदाम-पिस्ते टाका.

खास टिप्स
लच्छेदार टेक्सचर: रबडी जास्त घट्ट करू नका, कारण थंड झाल्यावर ती आपोआप अधिक घट्ट होते.
कलर: केशर नसेल तर चिमूटभर हळद किंवा खाण्याचा पिवळा रंग वापरू शकता, पण केशराचा स्वाद नैसर्गिक आणि उत्कृष्ट असतो.
सर्व्हिंग: ही रबडी तुम्ही गरम खाऊ शकता किंवा फ्रिजमध्ये थंड करून सर्व्ह करू शकता.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik