दिवालीतील उरलेल्या लाह्या वापरुन या ३ स्वादिष्ट डिश तयार करु शकता

दिवाळीच्या पूजेत देवाला विविध मिठाई आणि फळे यासोबतच लाह्या अर्पित केल्या जातात. नंतर अनेक दिवस त्यांचा काही उपयोग होत नाही अशात उरलेल्या लाह्या वाया होता कामा नये म्हणून यांच्या वापर करुन हलके स्नॅक तयार केले जाऊ शकतात. कारण या लाह्या आरोग्यासाठी अती उत्तम असतात.

मसाला लाह्या

कढईत तूप गरम करा. त्यात शेंगदाणे घालून हलकेच भाजून घ्या (१-२ मिनिटे). मिरची पूड, हळद, जिरे पूड आणि मीठ घालून ३० सेकंद भजून घ्या (मसाला जळू नये). लगेच लाह्या घालून कढईत फिरवा. २-३ मिनिटे मध्यम आगीवर हलकेच भाजून घ्या जेणेकरून मसाला चिकटेल. कोथिंबीर घालून मिक्स करा, आग बंद करा आणि थंड होऊ द्या. थंड झाल्यावर काढा आणि एअरटाइट डब्यात ठेवा. क्रिस्पी स्नॅक म्हणून सर्व्ह करा!

लाह्या टिक्की

प्रथम एका भांड्यात लाह्या पाण्यात भिजवा. कच्चे बटाटे किसून घ्या. आता भिजवलेल्या लाह्या आणि कच्चे बटाटे एका भांड्यात घाला आणि मिक्स करा. त्यात थोडेसे आरोरूट, मीठ, बारीक चिरलेल्या हिरव्या मिरच्या, धणेपत्ता, सिमला मिरची आणि गाजर घाला. आता तयार मिश्रणापासून टिक्की बनवा. टिक्की एका पॅनमध्ये शॅलो फ्राय करा किंवा कढईत तेल घालून तळून घ्या. ते गरम गरम प्लेटमध्ये सर्व्ह करा आणि त्यावर गोड आणि आंबट चटणी, दही आणि चाट मसाला घाला.

लाह्यांचे धिरडे

यासाठी एका भांड्यात लाह्या घ्या आणि अर्धा तास भिजवा. आता ते मिक्सर जारमध्ये ठेवा, त्यात थोडे दही, रवा आणि पाणी घाला आणि बारीक करा. हे मिश्रण एका भांड्यात काढा, थोडे मीठ आणि सोडा घाला आणि मिक्स करा. तयार केलेल्या मिश्रणापासून धिरडे बनवा. तुम्ही त्यात बटाटे, चीज किंवा मिश्र भाज्या देखील भरू शकता. धिरडे चटणी किंवा सॉससोबत सर्व्ह करा.