Patwari chewed 5 thousand rupees पोलिसांसमोर गिळले हजारो रुपये

Patwari chewed 5 thousand rupees मध्य प्रदेशातील कटनी जिल्ह्यातून एक धक्कादायक घटना समोर आली आहे. जिथे एका पटवारीने लाचेची रक्कम चघळली. पटवारी लाच घेताना लोकायुक्तांच्या पथकाने रंगेहात पकडले असल्याचे सांगण्यात येत आहे. त्यानंतर त्याने स्वत:ला वाचवण्याचा प्रयत्न केला आणि लाचेची रक्कम तोंडात चघळली आणि गिळली. याचा व्हिडिओ सोशल मीडियावर प्रचंड व्हायरल होत आहे.

रंगेहाथ पकडल्यानंतर पटवारीने लाचेचे 5 हजार रुपये चघळले

बिल्हारी हलका गावात तैनात पटवारी गजेंद्र सिंह यांनी तक्रारदार चंदन सिंह लोधी यांच्याकडे एका जमिनीच्या प्रकरणात पाच हजार रुपयांची लाच मागितली होती. याबाबत चंदनसिंग लोधी यांनी लोकायुक्त जबलपूर यांच्याकडे तक्रार केली. यानंतर लोकायुक्तांच्या पथकाने घटनास्थळ गाठून पटवारीला लाच घेताना रंगेहात पकडले. मात्र पटवारी गजेंद्र सिंग याने लाचेत मिळालेल्या 500-500 रुपयांच्या 9 नोटा चघळल्या.

यादरम्यान लोकायुक्तांच्या 7 सदस्यांच्या पथकाने नोटा काढून घेण्यासाठी शर्थीचे प्रयत्न केले. मात्र तोंडातून पैसे न काढल्याने त्यांना जिल्हा रुग्णालयात नेण्यात आले. अथक परिश्रमानंतर पटवारी गजेंद्र सिंग याने लाचेच्या चघळलेल्या नोटा बाहेर काढल्या. ही घटना समोर आल्यानंतर सर्वांनाच धक्का बसला आहे.