राष्ट्रपती द्रौपदी मुर्मू यांच्या सुरक्षेत एक गंभीर त्रुटी समोर आली आहे. शबरीमला यात्रेला गेलेल्या राष्ट्रपती मुर्मूंना घेऊन जाणारे हवाई दलाचे हेलिकॉप्टर बुधवारी सकाळी प्रमादम येथील राजीव गांधी इनडोअर स्टेडियममधील नवीन काँक्रीट हेलिपॅडवर उतरताना खड्ड्यात अडकले.
हेलिकॉप्टरमधून उतरल्यानंतर राष्ट्रपतींचा ताफा रस्त्याने पंबा येथे रवाना झाला. राष्ट्रपती निघून गेल्यानंतर अनेक पोलिस आणि अग्निशमन दलाचे कर्मचारी हेलिपॅडवरील खड्ड्यांवरून राष्ट्रपतींच्या हेलिकॉप्टरची चाके काढताना दिसले. एका वरिष्ठ पोलिस अधिकाऱ्याने सांगितले की, राष्ट्रपतींच्या हेलिकॉप्टरला उतरवण्याची जागा शेवटच्या क्षणी निश्चित करण्यात आली होती, त्यामुळे मंगळवारी रात्री उशिराच हेलिपॅड बांधण्यात आला. यामुळे हेलिपॅड सुकले नव्हते आणि राष्ट्रपतींचे हेलिकॉप्टर उतरताच त्याचे वजन जास्त असल्याने ते हेलिपॅडमध्ये अडकले सुदैवाने कोणतीही दुखापत झाली नाही.
राष्ट्रपती द्रौपदी मुर्मू मंगळवारी संध्याकाळी दक्षिणेकडील राज्याच्या चार दिवसांच्या अधिकृत दौऱ्यावर तिरुअनंतपुरम येथे पोहोचल्या. बुधवारी सकाळी त्या पथनमथिट्टा जिल्ह्याला रवाना झाल्या, जिथे त्या सबरीमाला मंदिराला भेट देतील.
