Punjab Election 2022: पंजाबमध्ये दुपारी 1 वाजेपर्यंत 34.10% मतदान, फिरोजपूर आणि भटिंडा येथे संघर्ष

पंजाब विधानसभा निवडणुकीसाठी आज मतदान होत आहे. राज्यातील 117 विधानसभा मतदारसंघात सकाळी 8 वाजता मतदानाला सुरुवात झाली. राज्यातील 2.14 कोटी मतदार 1304 उमेदवारांचे भवितव्य ईव्हीएममध्ये बंद करतील.

भटिंडा येथील नरुआना रोडवर अकाली आणि काँग्रेस कार्यकर्त्यांमध्ये हाणामारी झाली. अकाली दलाचे माजी नगरसेवक हरजिंदर टोनी यांनी आरोप केला की, काँग्रेसचे कार्यकर्ते बाहेरील लोकांसह मतदारांना पैसे वाटून घेत आहेत. त्यांना रोखण्याचा प्रयत्न केला असता त्यांनी हवेत गोळीबार केला आणि त्यांच्या एका वाहनाची तोडफोड केली. घटनास्थळी पोहोचलेले डीएसपी सिटी चरणजीत सिंह यांनी अकाली कार्यकर्त्यांशी संवाद साधला. त्याचवेळी घटनेनंतर काँग्रेसजन घटनास्थळावरून पळून गेले. माजी एसएडी नगरसेवक टोनी यांचा जबाब नोंदवून पोलीस पुढील कारवाई करणार असल्याचे डीएसपींनी सांगितले. पोलिसांनी तीन तरुणांना ताब्यात घेऊन चौकशी सुरू केली आहे.

फिरोजपूरच्या अटारी गावात काँग्रेस कार्यकर्त्यांनी भाजप कार्यकर्त्यांवर हल्ला केला. काँग्रेसचे अध्यक्ष सुखविंदर सिंग, दविंदर सिंग, डॉ. अवतार सिंग, गुरशरण सिंग यांच्यासह 150 जणांवर गुन्हा दाखल करण्यात आला आहे. याप्रकरणी आरएफके पोलीस ठाण्यात गुन्हा दाखल करण्यात आला आहे.