एकाच महिन्यात राज्यातून 2200 मुली बेपत्ता

Girls Missing in Maharashtra महाराष्ट्रात एक धक्कादायक आकडा समोर आला आहे. मार्च महिन्यात मुंबईसह महाराष्ट्रातून 2200 मुली बेपत्ता झाल्याची घटना सोशल मीडियावर मोठ्या प्रमाणात व्हायरल होत आहे. मुली एकतर घर सोडून गेल्या आहेत किंवा त्यांचे अपहरण करण्यात आले आहे. हा आकडा महत्त्वाचा आहे कारण फेब्रुवारी महिन्यात हा आकडा आणखी कमी होता. मार्च महिन्यात हा आकडा सुमारे 300 ने वाढला आहे. मिळालेल्या माहितीनुसार बेपत्ता होणाऱ्या मुलींमध्ये 18 ते 25 वयोगटातील मुलींचा समावेश अधिक आहे. तर मागील तीन महिन्यात महाराष्ट्रातून 5 हजार 610 मुली बेपत्ता झालेल्या आहेत.

महिला अयोगाच्या अध्यक्ष रुपाली चाकणकर यांनी एक ट्विट करत राज्यातून मार्च महिन्यात 2200 मुली बेपत्ता झाल्याचं सांगून गृह विभागाने तातडीने विशेष तपास पथक कार्यरत करावे, अशी मागणी केली आहे.

मिळालेल्या माहितीनुसार महाराष्ट्रात 18 ते 25 वयोगटातील सुमारे 70 मुली दररोज बेपत्ता होत आहेत. मार्च महिन्याचा आकडा समोर आला असून त्यात 2200 मुली बेपत्ता झाल्या आहेत. मार्च महिन्यातील हा आकडा फेब्रुवारी महिन्याच्या तुलनेत 307 अंकांनी अधिक आहे. फेब्रुवारी महिन्यात 1810 मुली बेपत्ता झालेल्या आहेत. गेल्या काही दिवसांपासून तरुण-तरुणी, महिला घराबाहेर पडण्याचे प्रमाण सातत्याने वाढत आहे. प्रेमप्रकरणात दाखवलेल्या लोभामुळे ते लोकांच्या जाळ्यात अडकतात. आणखी एक गोष्ट बाहेर आली आहे ती खरोखरच धक्कादायक आहे. शहरांपेक्षा ग्रामीण भागात जास्त मुली बेपत्ता आहेत. त्यात पुणे, नाशिक, कोल्हापूर, ठाणे, अहमदनगर येथील मुलींचा समावेश अधिक आहे.

नाव न सांगण्याच्या अटीवर माहिती देताना एका अधिकाऱ्याने सांगितले की, जिथे जिथे 18 वर्षांखालील मुली मुलासोबत गेल्या तिथे अपहरणाचा गुन्हा दाखल केला जातो. दुसरीकडे एखाद्या मुलीचे वय 18 वर्षांपेक्षा जास्त असेल आणि ती घरातून निघून गेल्यास, मिसिंग पर्सन अंतर्गत गुन्हा दाखल केला जातो. ज्याची चौकशी केली जाते आणि ही अशी प्रकरणे आहेत ज्यात मुले-मुली घर सोडून मंदिरात लग्न करतात.

या संदर्भातला अहवाल राज्य शासनाला पाठवल्याचं रुपाली चाकणकर यांनी सांगितलं. त्यांनी गृह विभागाने याप्रश्नी विशेष पथक स्थापन करण्याची मागणी केली आहे.