Publish Date: Sat, 10 Oct 2026 (16:00 IST)
Updated Date: Sat, 10 Oct 2026 (16:06 IST)
महाराष्ट्रातील धुळे येथील शिरपूर तालुक्यातील सावळदे येथील तापी नदीतून एका जोडप्याचे मृतदेह बाहेर काढण्यात आले आहे. दोघांच्याही पायांना साखळ्या बांधलेल्या होत्या.
मिळालेल्या माहितीनुसार धुळे जिल्ह्यातील शिरपूर तालुक्यातील सावळदे येथील तापी नदीत एका नवविवाहित जोडप्याचे मृतदेह सापडल्याने खळबळ उडाली आहे. त्यांचे पाय लोखंडी साखळ्यांनी बांधून अडकवलेले होते. मृतांची ओळख पटली असून त्यांचा प्रेमविवाह झाला होता. या हृदयद्रावक घटनेमुळे दोन्ही कुटुंबांवर दुःखाचा डोंगर कोसळला आहे. मृत जोडप्याची ओळख श्याम हरी पाटील (२८) आणि सपना पाटील (२०) अशी पटली आहे. दोघेही मूळचे जळगाव जिल्ह्यातील अमळनेर तालुक्यातल्या पाडळसारे येथील असून सध्या एरंडोळ तालुक्यातील उत्तराण येथे राहत होते.
सावळदे गावाजवळ तापी नदीत दोन मृतदेह तरंगताना स्थानिकांना आढळल्याचे वृत्त आहे. नदीत उडी मारण्यापूर्वी, त्या दोघांनी आपले पाय लोखंडी साखळ्यांनी बांधले होते, ज्यामुळे त्यांना पाण्यातून बाहेर पडता किंवा पळून जाता येत नव्हते. घटनेची माहिती मिळताच पोलीस तात्काळ घटनास्थळी दाखल झाले. स्थानिक नागरिक आणि आपत्ती व्यवस्थापन पथकाच्या मदतीने दोन्ही मृतदेह पाण्यातून बाहेर काढून शवविच्छेदनासाठी शासकीय रुग्णालयात पाठवण्यात आले. त्या दोघांचे प्रेमविवाह झाल्याचे वृत्त आहे, परंतु त्यांच्या या निर्णयामागे कौटुंबिक वाद होता की आणखी काही कारण होते, हे अद्याप स्पष्ट झालेले नाही.