मास्क लावून काम करा, त्र्यंबकेश्वर देवस्थानाचा आदेश

कोरोनाच्या पार्श्वभूमीवर खबरदारीचा उपाय म्हणून त्र्यंबकेश्वर देवस्थानच्या कर्मचाऱ्यांनी मंदिर परिसरात मास्क लावून काम करण्याचे आदेश त्र्यंबकेश्वर देवस्थान ट्रस्टने दिले आहेत. तसेच भाविकांनीही मंदिर परिसरात दर्शनाला येतांना तोंडाला मास्क अथवा रुमाल बांधावा असे सांगण्यात आले आहे. त्र्यंबकेश्वरमध्ये विदेशातील भाविकही दर्शनाला येत असल्याने देवस्थानने हा निर्णय घेतला असून मंदिर परिसरात अस्वच्छता करू नये, स्वच्छता राखावी असे निर्देश ट्रस्टकडून देण्यात आले आहेत.

कोरोना’ हा संसर्गजन्य रोग असल्यानं त्याचा प्रसार रोखण्याचं मोठं आव्हान प्रशासनापुढं आहे. महाराष्ट्र सरकारनं आपापल्या पातळीवर सर्वांनाच खबरदारी घेण्याचं आवाहन केलं आहे. राज्यातील सर्व देवस्थानांनी त्यास तात्काळ प्रतिसाद देत उपाययोजना सुरू केल्या आहेत. कुठल्याही व्यक्तीमध्ये सर्दी, खोकल्याची लक्षणं दिसल्यास त्याला तात्काळ आरोग्य पथकाककडं पाठवल्या जाणार आहेत.