Festival Posters
✕

धनंजय मुंडे यांचा पुण्यातील फ्लॅट जप्त!

Webdunia
सोमवार, 28 ऑक्टोबर 2019 (14:21 IST)
राष्ट्रवादी काँग्रेसचे परळीचे नवनिर्वाचित आमदार धनंजय मुंडे (Dhananjay Munde Flat attached) यांच्या मागील अडचणी काही केल्या कमी होण्याचे नाव घेत नाही आहे. विरोधी पक्षनेतेपदाच्या शर्यतीत असलेले धनंजय मुंडे (Dhananjay Munde Flat attached)  पुन्हा अडचणीत आले आहेत
 
पुणे: राष्ट्रवादी काँग्रेसचे परळीचे नवनिर्वाचित आमदार धनंजय मुंडे (Dhananjay Munde Flat attached) यांच्या मागील अडचणींचा ससेमीरा कायम आहे. विरोधी पक्षनेतेपदाच्या शर्यतीत असलेले धनंजय मुंडे (Dhananjay Munde Flat attached)  पुन्हा अडचणीत आले आहेत. पुण्यातील फ्लॅटचे कर्ज थकवल्याप्रकरणी त्यांचा फ्लॅट बँकेने ताब्यात घेतला आहे. धनंजय मुंडे यांच्या फ्लॅटवर शिवाजीराव भोसले बँकेचे (Shivajirao Bhosale Cooperative Bank (SBCB) ) कर्ज आहे. धनंजय मुंडे यांनी 1 कोटी 43 लाख रुपये थकवल्याचं बँकेचं म्हणणं आहे.
 
पुण्यातील एका वृत्तपत्रात शुक्रवारी  बँकेची जाहिरात प्रसिद्ध झाली होती. या जाहिरातीत धनंजय मुंडेंच्या मॉडेल कॉलनीतील युगाई ग्रीन सोसायटीतील फ्लॅटवर जप्ती आणल्याचं म्हटलं आहे. दरम्यान, धनंजय मुंडे यांनी बँकेची कारवाई म्हणजे राजकीय षडयंत्र असल्याचा आरोप केला आहे. मी निवडणुकीच्या धावपळीत असल्याने, निवडणुकीनंतर बँकेची थकीत रक्कम भागवेन असं कळवलं होतं, असं धनंजय मुंडे यांनी म्हटलंय.
 
बँकेवर राष्ट्रवादीच्याच आमदाराचं वर्चस्व
 
दरम्यान, धनंजय मुंडेंच्या फ्लॅटवर जप्ती आणणार्या शिवाजीराव भोसले बँकेवर राष्ट्रवादीच्या आमदाराचं वर्चस्व होतं. विधानपरिषदेचे आमदार अनिल भोसले यांच्या नियंत्रणात बँकेचं कामकाज सुरु होतं. मात्र बुडीत कर्ज वाढल्याने रिझर्व्ह बँकेने शिवाजीराव भोसले बँकेच्या आर्थिक नाड्या आवळून त्यावर निर्बंध लादले. इतकंच नाही तर या बँकेचं संचालक मंडळही बरखास्त करुन त्यावर प्रशासकाची नेमणूक केली.
 
या बँकेत जवळपास 16 हजार खातेधारक आहेत. 14 शाखांमार्फत कामकाज चालणाऱ्या या बँकेत जवळपास 430 कोटी रुपयांच्या ठेवी आहेत. या बँकेने तब्बल 310 कोटींची कर्ज वाटली आहेत. त्यापैकी 294 कोटी रुपयांचं कर्ज एनपीए अर्थात बुडीत आहे.
 
धनंजय मुंडेंची प्रतिक्रिया
 
“मला गेल्या महिन्यात बँकेची थकीत कर्जाची नोटीस मिळाली. त्यानंतर मी निवडणुकीत व्यस्त असल्याचं बँकेला कळवलं. तसंच मी 30 ऑक्टोबरनंतर कर्ज फेडेन असंही बँकेला सांगितलं. मात्र बँकेने तरीही पुढची कारवाई करत, जप्तीची कारवाई केली”, असं धनंजय मुंडे म्हणाले.
 
याशिवाय हा फ्लॅट म्हणजे बँकेचे माजी प्रमुख अनिल भोसले आणि आपल्यातील एक व्यवहार होता, असंही धनंजय मुंडे यांनी सांगितलं.
 
मी आणि अनिल भोसले हे जुने मित्र आहोत. मी माझ्या वाट्याची रक्कम भरली, पण अनिल भोसलेंनी काही आर्थिक अडचणींमुळे त्यांच्या वाट्याची रक्कम भरली नाही, असं मुंडेंनी सांगितलं.

संबंधित माहिती

सर्व पहा

नक्की वाचा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

नवीन

हीरो मोटोकॉर्पच्या माइक्रो कार Vida Nex 3 ची वैशिष्टये जाणून घ्या

राहुल गांधी पहिल्यांदाच त्यांच्या गर्लफ्रेंडबद्दल बोलले

ट्रम्प यांनी मेक्सिकोला आयात शुल्क दुप्पट करण्याचा उघडपणे इशारा दिला

बेल्जियमचा स्टार स्ट्रायकर रोमेलू लुकाकूने आंतरराष्ट्रीय फुटबॉल कारकिर्दीला निरोप दिला

आंद्रे रसेलचे नाईट रायडर्स संघात पुनरागमन

पुढील लेख
Show comments