पंतप्रधान आणि पियुष गोयल यांच्या एआय-मॉर्फ्ड व्हिडिओ प्रकरणी महाराष्ट्र सायबर पोलिसांनी एफआयआर दाखल केला

महाराष्ट्र सायबर पोलिसांनी पंतप्रधान मोदी आणि पियुष गोयल यांच्या व्हायरल झालेल्या एआय-मॉर्फ्ड व्हिडिओ प्रकरणी एफआयआर दाखल केला आहे. भाजपच्या एका कार्यकर्त्याच्या तक्रारीच्या आधारे ही कायदेशीर कारवाई सुरू करण्यात आली आहे. अशी माहिती समोर आली आहे.

केंद्रीय वाणिज्य आणि उद्योग मंत्री पियुष गोयल आणि पंतप्रधान नरेंद्र मोदी यांच्याशी संबंधित सोशल मीडियावर प्रसारित झालेल्या कथित एआय-मॉर्फ्ड आणि दिशाभूल करणाऱ्या व्हिडिओ प्रकरणी महाराष्ट्र सायबर पोलिसांनी एफआयआर दाखल करून तपास सुरू केला आहे. भाजपच्या एका सोशल मीडिया कार्यकर्त्याच्या लेखी तक्रारीच्या आधारे ही कारवाई करण्यात आली आहे.

भारतीय जनता पक्षाच्या सोशल मीडिया समन्वयक बिना जयेश गोगरी यांनी दाखल केलेल्या औपचारिक तक्रारीनंतर कायदेशीर कारवाई सुरू करण्यात आली तपासादरम्यान, तक्रारदाराने पुष्टी केली की मंत्र्यांचे खरे वक्तव्य चुकीच्या पद्धतीने मांडण्यासाठी आणि जनतेची दिशाभूल करण्यासाठी घटनेचे मूळ फुटेज तांत्रिकदृष्ट्या बदलण्यात आले, संपादित करण्यात आले होते किंवा एआय (AI) द्वारे तयार करण्यात आले होते. तपासात असे उघड झाले आहे की, अनेक फेसबुक प्रोफाइल आणि इंस्टाग्राम हँडल पंतप्रधान नरेंद्र मोदी यांच्याबद्दल आक्षेपार्ह, मॉर्फ केलेल्या प्रतिमा आणि अपमानजनक वक्तव्ये प्रसारित करण्यात सामील होते. आता महाराष्ट्र सायबर विभागाने गुन्हा दाखल केला आहे. 

Edited By- Dhanashri Naik