डॉ. अमोल कोल्हे यांनी केलेली कलाकृती जरी कलाकार म्हणून केलेली असली तरी त्यामध्ये नथुराम गोडसेचं समर्थन आलेलं आहे, कलाकाराचा वेष घेऊन तुम्ही गांधी हत्येचं समर्थन करू शकत नाही, असं राष्ट्रवादी काँग्रेसचे नेते जितेंद्र आव्हाड यांनी म्हटलंय.
'व्हाय आय किल्ड गांधी' या चित्रपटात डॉ. अमोल कोल्हे यांनी नथुराम गोडसेची भूमिका केलेली आहे. या भूमिकेवरून राष्ट्रवादीमध्ये दोन मतप्रवाह दिसत आहेत.
याकडे कलाकार म्हणून पाहिलं पाहिजे, अमोल कोल्हे एक गुणी कलावंत असल्याचं आरोग्यमंत्री आणि राष्ट्रवादीचे नेते राजेश टोपे यांनी म्हटलं होतं.
तर विनय आपटे, शरद पोंक्षे यांना या भूमिकेबद्दल महाराष्ट्रातील पुरोगामी जनतेने प्रचंड विरोध केला होता. याच भूमिकेबरोबर राहून गांधी विरोधी चित्रपटाला विरोध करणार असल्याचं ट्वीट जितेंद्र आव्हाड यांनी केलं आहे.
