CWG 2022 Day 11 : लक्ष्य सेनने बॅडमिंटनमध्ये भारतासाठी सुवर्ण जिंकले

राष्ट्रकुल क्रीडा 2022 मध्ये भारताने 20 सुवर्ण, 15 रौप्य आणि 22 कांस्य अशी एकूण 57 पदके जिंकली आहेत. 

भारताच्या लक्ष्य सेनने चमत्कार केला आहे. लक्ष्य सेनला सुवर्णपदक जिंकण्यात यश आले आहे. लक्ष्य सेनने पहिला गेम गमावला होता. मात्र त्यानंतर त्याने शानदार पुनरागमन करत 2-1 असे सुवर्णपदक जिंकले. 20 वर्षीय लक्ष्य सेनने भारताच्या झोळीत मोठा विजय टाकला आहे.

लक्ष्य सेनने बॅडमिंटनमधील पुरुष एकेरीच्या अंतिम फेरीत मलेशियाच्या आंग जे योंगचा 19-21, 21-9, 21-16 असा पराभव केला. यासह त्याने सुवर्णपदक पटकावले आहे. राष्ट्रकुल 2022 मधील भारताचे हे 20 वे सुवर्णपदक आहे. त्याचबरोबर आज भारताने बॅडमिंटनमध्ये दुसरे सुवर्णपदक जिंकले आहे. 

बॅडमिंटनमध्ये पुरुष दुहेरीच्या अंतिम फेरीत भारताच्या सात्विकसाईराज रँकीरेड्डी आणि चिराग शेट्टी यांचा सामना इंग्लंडच्या बेन लेन आणि सीन वेंडी यांच्याशी होईल. 

भारताचे पदक विजेते

20 सुवर्ण: मीराबाई चानू, जेरेमी लालरिनुंगा, अंचिता शेउली, महिला लॉन बॉल संघ, टीटी पुरुष संघ, सुधीर, बजरंग पुनिया, साक्षी मलिक, दीपक पुनिया, रवी दहिया, विनेश, नवीन, भाविना, नीतू, अमित, पी. पॉल, निखत झरीन, शरत-श्रीजा, पीव्ही सिंधू, लक्ष्य सेन

15 रौप्य : संकेत सरगर, बिंदियारानी देवी, सुशीला देवी, विकास ठाकूर, भारतीय बॅडमिंटन संघ, तुलिका मान, मुरली श्रीशंकर, अंशू मलिक, प्रियांका, अविनाश साबळे, पुरुष लॉन बॅडमिंटन संघ. संघ, अब्दुल्ला अबोबकर, शरथ-साथियान, महिला क्रिकेट संघ, सागर

22 कांस्य:गुरुराजा, विजय कुमार यादव, हरजिंदर कौर, लवप्रीत सिंग, सौरव घोषाल, गुरदीप सिंग, तेजस्वीन शंकर, दिव्या काकरन, मोहित ग्रेवाल, जस्मिन, पूजा गेहलोत, पूजा सिहाग, मोहम्मद हुसामुद्दीन, दीपक नेहरा, रोहित टोकस, महिला हॉकी संघ, संदीप कुमार. , अन्नू राणी, सौरव-दीपिका, किदाम्बी श्रीकांत, त्रिशा-गायत्री