भेसळयुक्त गुळ आणि शुद्ध गुळ ओळखण्याचे सोपे मार्ग जाणून घ्या

योग्य पद्धतीने गुळाची चाचणी करून आणि वापर करून, तुम्ही स्वतःला तंदुरुस्त आणि निरोगी ठेवू शकता. तसेच आहारात गुळाचे महत्त्व खूप आहे. गुळ आपल्या शरीराला उष्णता देण्यास आणि रोगप्रतिकारक शक्ती वाढविण्यास मदत करतो. पणबाजारात भेसळयुक्त गूळ मिळण्याचा धोका देखील वाढतो. या भेसळयुक्त गूळामुळे केवळ चवच बिघडत नाही तर आरोग्यावरही वाईट परिणाम होऊ शकतो. गुळ ओळखण्याच्या काही महत्त्वाच्या टिप्स जाणून घ्या.

भेसळयुक्त गूळ आणि शुद्ध गुळ कसा ओळखायचा?
रंग आणि पोत तपासा-
गुळाचा रंग आणि पोत हे त्याच्या शुद्धतेचे पहिले संकेत आहे. शुद्ध गुळाचा रंग हलका तपकिरी किंवा सोनेरी पिवळा असतो. जर गुळाचा रंग खूप चमकदार किंवा गडद पिवळा दिसत असेल, तर त्यात कृत्रिम रंग जोडला गेला असावा.तसेच शुद्ध गुळाचा पोत खडबडीत आणि थोडा कठीण असतो. परंतु जर गुळ खूप गुळगुळीत, मऊ किंवा चमकदार असेल तर तो भेसळयुक्त असू शकतो.

चवीनुसार ओळखा-
गुळाची चव ही त्याची शुद्धता ओळखण्याचा एक चांगला मार्ग आहे. शुद्ध गुळाची चव गोड असते, परंतु त्याला थोडासा मातीचा वास देखील असतो. हे त्याच्या नैसर्गिक गुणवत्तेचे लक्षण आहे. तसेच जर गुळाची चव खूप कडू, आंबट किंवा जास्त गोड वाटत असेल तर ते भेसळयुक्त असू शकते.

पाण्यात विरघळवून चाचणी करा-
पाण्याद्वारे गुळाची शुद्धता तपासणे हा एक सोपा आणि विश्वासार्ह मार्ग आहे. शुद्ध गूळ पाण्यात टाकल्यावर सहज विरघळतो. जर गूळ पूर्णपणे विरघळण्याऐवजी तळाशी स्थिर झाला तर तो भेसळयुक्त असू शकतो. तसेच शुद्ध गूळ विरघळवल्यावर पाण्याचा रंग हलका तपकिरी होतो. जर पाण्याचा रंग गडद, ​​वेगळा दिसत असेल तर गुळ भेसळयुक्त आहे हे स्पष्ट संकेत आहे.

गूळ जाळून तपासा-
गुळ जाळून त्याची शुद्धता देखील ओळखता येते. शुद्ध गूळ जाळल्यावर हलका आणि स्पष्ट धूर निघतो. परंतु जर धूर खूप काळा किंवा खूप जाड असेल तर याचा अर्थ असा की गुळ भेसळयुक्त आहे.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik