Publish Date: Sun, 16 Aug 2026 (08:00 IST)
Updated Date: Sat, 15 Aug 2026 (15:52 IST)
बेक्ड फेटा पास्ता ही बनवायला अत्यंत सोपी आणि चवीला अप्रतिम लागणारी सोशल मीडिया व्हायरल डिश आहे.
साहित्य-
पास्ता: २५० ग्रॅम (पेन्ने किंवा फुसिली पास्ता)
फेटा चीज : २०० ग्रॅमचा एक ब्लॉक
चेरी टोमॅटो: २ कप (सुमारे ४०० ग्रॅम)
लसूण: ६-७ पाकळ्या (बारीक चिरलेल्या किंवा खिसलेल्या)
ऑलिव्ह ऑइल: १/२ कप
मसाले: १ लहान चमचा चिली फ्लेक्स, १ लहान चमचा ओरिगॅनो / इटालियन हर्ब्स
मीठ व काळी मिरी पूड: चवीनुसार
तुळशीची पाने : सजावटीसाठी आणि चवीसाठी (बारीक चिरलेली)
कृती
१. बेकिंग ट्रे तयार करणे-एका बेकिंग डिशमध्ये चेरी टोमॅटो, लसूण, थोडे ऑलिव्ह ऑइल, चिली फ्लेक्स, ओरिगॅनो, मीठ आणि काळी मिरी घालून व्यवस्थित मिक्स करा.
२. चीज ठेवून बेक करणे-डिशच्या मध्यभागी फेटा चीजचा ब्लॉक ठेवा. चीजवर उरलेले ऑलिव्ह ऑइल आणि थोडे ओरिगॅनो टाका. २००°C वर ओव्हन आधी गरम करून २५ ते ३० मिनिटे बेक करा. टोमॅटो मऊ होऊन फुटू लागतील आणि चीज छान वितळून हलके सोनेरी होईल.
३. पास्ता उकडणे-बेक होईपर्यंत एका भांड्यात पाणी उकळून त्यात थोडे मीठ घालून पास्ता 'अल दांते' (८०% शिजलेला) उकडून घ्या. पास्ता उकडलेले १/२ कप पाणी बाजूला काढून ठेवा.
४. सॉस एकत्र करणे ओव्हनमधून डिश बाहेर काढून गरम असतानाच काट्याचमचाने टोमॅटो आणि फेटा चीज एकत्र चुरडून क्रीमी सॉस तयार करा.
५. मिक्सिंग-या क्रीमी सॉसमध्ये उकडलेला पास्ता आणि बाजूला ठेवलेले गरम पास्ताचे पाणी घाला. सर्व साहित्य नीट मिक्स करा. गरमागरम पास्त्यावर ताजी तुळशीची पाने घालून सर्व्ह करा!
जर तुमच्याकडे ओव्हन नसेल, तर तुम्ही ही संपूर्ण कृती मंद आचेवर झाकण ठेवून जाड बुडाच्या कढईत किंवा पॅनमध्येही करू शकता.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
