Korean Maggi व्हायरल कोरियन स्टाइल मॅगी; फक्त २ मिनिटांत बनवा

कोरियन-स्टाईल मॅगी ही सध्याची प्रचंड लोकप्रिय आणि झटपट बनणारी रेसिपी आहे. नेहमीची मॅगी खाऊन कंटाळा आला असेल, तर हा तिखट, चमचमीत आणि हटके प्रकार नक्की ट्राय करा.  

साहित्य-
मॅगी: १ पाकीट (आणि त्यासोबतचा मॅगी मसाला)
लसूण: ४ ते ५ पाकळ्या (बारीक चिरलेला)
पांढरे तीळ: १ छोटा चमचा
चिली फ्लेक्स: १ छोटा चमचा (तिखट हवे असल्यास जास्त घ्या)
शेजवान चटणी / सॉस: १ मोठा चमचा
सोया सॉस : १ छोटा चमचा
टोमॅटो केचप: १ छोटा चमचा (आंबट-गोड चवीसाठी)
हिरवी कांदा पात: बारीक चिरलेली (सजावटीसाठी)
तेल: २ मोठे चमचे (कडकडीत गरम करण्यासाठी)
मीठ: चवीनुसार (सॉसेसमध्ये मीठ असते, त्यामुळे बेतानेच टाकावे)

कृती-
स्टेप १: मॅगी उकडणे
सर्वात आधी एका भांड्यात पाणी गरम करा. पाणी उकळायला लागल्यावर त्यात मॅगी न तोडता अख्खी टाका. मॅगी ८०% ते ९०% (जास्त गाळ न करता) उकडवून घ्या. त्यानंतर गॅस बंद करून मॅगी गाळून घ्या आणि बाजूला ठेवा.

स्टेप २: कोरियन सॉस बेस तयार करणे
मॅगी उकडेपर्यंत एका मोठ्या बाऊलमध्ये (ज्यात मॅगी नीट मिक्स करता येईल) खालील गोष्टी एकत्र करा:

बारीक चिरलेला लसूण, पांढरे तीळ, चिली फ्लेक्स, मॅगी मसाला (पाकिटासोबत येणारा), शेजवान चटणी, सोया सॉस आणि टोमॅटो केचप

स्टेप ३: तडका देणे (मुख्य स्टेप)
एका छोट्या कढईत किंवा तडका पॅनमध्ये २ मोठे चमचे तेल कडकडीत गरम करा. तेल खूप गरम असावे जेणेकरून लसणाचा कच्चापणा निघून जाईल. हे कडकडीत गरम तेल बाऊलमध्ये तयार केलेल्या मसाल्यांच्या मिश्रणावर ओता. तेल ओतताच मस्त खमंग सुवास सुटेल. चमच्याने सर्व मसाले तेलात व्यवस्थित मिक्स करा.

स्टेप ४: मॅगी मिक्स करणे
आता या तयार मसाल्याच्या बेसमध्ये उकडलेली मॅगी टाका आणि दोन चमच्यांच्या मदतीने मॅगी आणि मसाला व्यवस्थित एकत्र करून घ्या.गरमागरम, चमचमीत कोरियन-स्टाईल मॅगी तयार आहे! वरून बारीक चिरलेली कांद्याची पात आणि थोडे पांढरे तीळ पेरून प्लेटमध्ये सर्व्ह करा. जर तुम्हाला चीझी आवडत असेल, तर मॅगी मिक्स केल्यावर वरून एक चीज स्लाइस किंवा किसलेले मोझारेला चीज टाका आणि ३० सेकंद मायक्रोवेव्ह करा किंवा वाफेवर झाकून ठेवा. चव दुप्पट होईल!
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik