सहरसा मध्ये चालत्या ट्रेनला भीषण आग, प्रवाशांनी मारली उडी

सहरसा जिल्ह्यातील सिमरी बख्तियारपूर रेल्वे स्थानकावर एका पॅसेंजर ट्रेनला आग लागली. घटनेची माहिती मिळताच अग्निशमन दलाचे अधिकारी घटनास्थळी दाखल झाले. प्रवाशांना तात्काळ बाहेर काढण्यात आले.

मिळालेल्या माहितीनुसार बिहारमधील सहरसा जिल्ह्यातील सिमरी बख्तियारपूर रेल्वे स्थानकावर एका पॅसेंजर ट्रेनला आग लागली. आग लागली तेव्हा ट्रेनमध्ये प्रवासीही होते. आगीमुळे ट्रेनमधील प्रवाशांमध्ये घबराट पसरली. प्रवाशांना ट्रेनमधून तात्काळ बाहेर काढण्यात आले आणि अग्निशमन दलाला माहिती देण्यात आली. माहिती मिळताच अग्निशमन दलाची वाहने घटनास्थळी दाखल झाली. अधिकाऱ्यांनी सांगितले की, आगीवर नियंत्रण मिळवण्यात आले आहे. मात्र, कोणताही प्रवासी जखमी झाल्याचे वृत्त नाही. तथापि, ज्या डब्याला आग लागली होती तो पूर्णपणे जळून खाक झाला आहे.  

Edited By- Dhanashri Naik