Palghar News: महाराष्ट्रातील पालघर जिल्ह्यातील पोलिसांनी १६ वर्षांच्या मुलीवर बलात्कार केल्याच्या आरोपाखाली एका तरुणाला अटक केली आहे. या प्रकरणाशी संबंधित एका पोलिस अधिकाऱ्याने सांगितले की, घटनेनंतर पीडिता गर्भवती राहिली, ज्यामुळे हा खुलासा झाला.
मिळालेल्या माहितीनुसार २२ वर्षीय आरोपी आणि मुलगी नालासोपारा परिसरातील रहिवासी आहेत आणि दोघेही एकमेकांना ओळखत होते. तसेच अचोले पोलिस ठाण्यातील एका अधिकाऱ्याने सांगितले की, आरोपी गेल्या महिन्याच्या सुरुवातीला मुलगी एकटी असताना तिच्या घरी गेला होता आणि तिच्यावर बलात्कार केल्याचा आरोप आहे. त्यांनी सांगितले की, वैद्यकीय तपासणीत मुलगी सहा आठवड्यांची गर्भवती असल्याचे आढळून आले. मुलीच्या आईने पोलिसांकडे धाव घेतली, त्यानंतर शनिवारी आरोपीला अटक करण्यात आली आणि भारतीय न्याय संहितेच्या कलम 64 (बलात्कार) आणि लैंगिक गुन्ह्यांपासून मुलांचे संरक्षण (POCSO) कायद्याच्या तरतुदींनुसार गुन्हा दाखल करण्यात आला, असे अधिकाऱ्याने सांगितले.
Edited By- Dhanashri Naik
