Suresh Patil Samarthak Facebook
सांगलीचे
माजी महापौर आणि राष्ट्रवादीचे ज्येष्ठ नेते सुरेश पाटील यांनी 7 एप्रिल सोमवार रोजी स्वतःच्या राहत्या घरात गळफास घेऊन आत्महत्याचा प्रयत्न केल्याची धक्कादायक घटना समोर आली आहे.
पाटील यांनी सांगलीतील नेमीनाथनगर येथे राहत्या घरी साडीने गळफास घेऊन आत्महत्येचा प्रयत्न केला. कुटुंबातील सदस्यांनी त्यांना वेळीच रुग्णालयात दाखल केले. त्यांची प्रकृती स्थिर असल्याचे सांगितले जात आहे. त्यांच्यावर डॉक्टरांच्या देखरेखीखाली रुग्णालयात उपचार सुरु आहे. त्यांना आयसीयूमध्ये दाखल करण्यात आले आहे.
सुरेश पाटील यांच्या आत्महत्येच्या प्रयत्नाने राजकीय वर्तुळात खळबळ उडाली आहे. ते बऱ्याच काळापासून जिल्ह्यातील राजकारण, व्यवसाय, शिक्षण आणि सामाजिक क्षेत्रात सक्रिय भूमिका बजावत आहेत. त्यांचा राजकीय प्रवास सुमारे 30 ते 40 वर्षांचा आहे आणि त्यांनी एका सामान्य कार्यकर्त्यापासून नगरसेवक आणि नंतर महापौर असा प्रवास केला आहे. तथापि, गेल्या एक वर्षापासून त्यांनी राजकारण आणि सार्वजनिक जीवनापासून स्वतःला बऱ्याच प्रमाणात दूर केले आहे.
सुरेश पाटील हे राष्ट्रवादी काँग्रेसचे शरद पवार गटाचे प्रदेशाध्यक्ष जयंत पाटील यांचे कट्टर समर्थक मानले जातात. सध्या ते अजित पवार यांच्या नेतृत्वाखालील राष्ट्रवादी काँग्रेसच्या प्रदेश कार्यकारिणीत पदाधिकारी आहेत.
आत्महत्येच्या प्रयत्नामागील कारण सध्या स्पष्ट झालेले नाही, त्यामुळे विविध अटकळ बांधली जात आहेत. सांगलीतील विश्रामबाग पोलिस ठाण्यात या घटनेची नोंद करण्यात आली असून तपास सुरू करण्यात आला आहे.
